Сомона дар ҳолати санҷиш кор мекунад!

ГУП «Рохи охани Точикистон»

Саволу Ҷавоб

Аз куҷо билет харидан мумкин аст?

Билети роҳи оҳанро аз хазинаҳои билетфурўшӣ ё вокзал дастрас кардан мумкин аст, фақат (танҳо) ба кормандони вокзал (хазинадорони билетфурўшӣ, навбатдорони вокзал, навбатдорони толор, масъулони маълумотдиҳӣ), ки нишони сарисинагӣ доранд, муроҷиат бояд кунед.  Барои маълумоти иловагӣ ба дафтари маълумотдиҳӣ муроҷиат намоед.

Барои кўдакон чӣ гуна тахфифҳо мавҷуданд?

Мусофир ҳуқуқ дорад, ки бо худ ройгон як кўдаки синни то панҷсоларо бе пешниҳоди ҷойи иловагӣ интиқол намояд. Ҳангоми бо мусофир сафар кардани зиёда аз як кўдаки синни то панҷсола, яке аз онҳо ройгон интиқол дода мешавад, боқимонда бо тахфифи то 35% аз арзиши билет бо пешниҳоди ҷойи алоҳида. Ба кўдакони синни аз панҷ то даҳсола, ҳамчунин тахфифи 50% аз арзиши билет бо пешниҳоди ҷойи алоҳида. Барои кўдакони аз даҳсола боло, ҳамчун калонсолон, бояд ҳуҷҷати сафарӣ дастрас карда шавад.

Барои барасмиятдарории билет кадом ҳуҷҷатҳо лозим аст?

Барасмиятдарории ҳуҷҷати сафарӣ дар асоси ҳуҷҷати шаҳодатдиҳандаи шахсияти мусофир (шиноснома, билети ҳарбӣ) барои кўдакони синни то 16-сола шаҳодатномаи таваллуд, дар ҳолати часпонида шудани сурати кўдак дар шиносномаи волидайн. Ҳангоми аз ҳудуди Ҷумҳурии Тоҷикистон бо намояндагони қонунии онҳо баромадани кўдакони ба сини балоғат нарасида (волидайн, бибӣ, холаву амма) бояд боваринома ва ба ҷойи шаҳодатномаи таваллуди кўдаке, ки ба сини 16-солагӣ нарасидааст, ҳуҷҷати шаҳодатдиҳандаи шаҳрвандии Ҷумҳурии Тоҷикистон доштан лозим аст.

Чанд килограмм бори дастӣ интиқол додан мумкин аст?

Ҳар як мусофир ҳуқуқ дорад бо худ 36 кг бори дастӣ интиқол диҳад. Дар ҳолати доштани ҳуҷҷат оиди пардохти иловагӣ мусофир ҳуқуқ дорад бо худ то 50 кг борҳои шахсиашро интиқол намояд. Дар ин ҳолат фарқияти интиқоли бағоч дар 14 кг ҳамчун 20 кг пардохта мешавад.

Барои дастрас намудани билети роҳи оҳан чӣ гуна имтиёзҳо вуҷуд доранд?

Тахфифҳо барои сафарҳои гурўҳӣ.

Тахфифҳо барои сафарҳои гурўҳӣ вобаста аз арзиши умумии сафар пешниҳод мешаванд:
Ҳангоми сафари гурўҳҳои муташаккили иборат аз 10 нафар ва зиёда аз он тибқи ҳуҷҷати сафари гурўҳӣ ба андозаи:
-20% аз арзиши умумии сафар дар мавриди аз 10 то 24 нафар иборат будани гурўҳ, маблағи роҳкиро супурдани мусофирони синну соли ба балоғатрасида;
-30% аз арзиши умумии сафар дар мавриди аз 25 нафар ва зиёда аз он иборат будани гурўҳ.
Тахфифҳо барои гурўҳҳои муташаккил ҳангоми сафар аз ҳудуди ҳамаи давлатҳои узви ИДМ, Ҷумҳуриҳои Латвия, Литва ва Эстония пешниҳод карда мешавад.

Имтиёзҳо барои сафари маъюбон, иштирокчиёни Ҷанги Бузурги Ватанӣ ва нафароне, ки ҳуқуқҳояшон ба онҳо баробар карда шудааст.

Ба маъюбони Ҷанги Бузурги Ватанӣ гурўҳҳои 1 ва 2, ҳамчунин шахсоне, ки ҳуқуқҳояшон ба онҳо баробар карда шудааст. Қаҳрамонҳои Иттиҳоди Шўравӣ ва шахсоне, ки бо ҳар се дараҷаи ордени Шараф сарфароз гардонида шудаанд, ҳуқуқи дар як сол як маротиба рафтуомади ройгон доранд.
Ба маъюбони Ҷанги Бузурги Ватанӣ гурўҳҳои 1 ва 2, ҳамчунин шахсоне, ки ҳуқуқҳояшон ба онҳо баробар карда шудааст, ҳуқуқи сафари ройгон дар вагони купедори ҳамаи дараҷаҳои қатораҳо дода мешавад, ҳангоми сафар намудан дар вагони СВ 50%-и фарқияти арзиши сафар ситонида мешавад.
Ба маъюбони Ҷанги Бузурги Ватанӣ гурўҳи 3, ҳамчунин шахсоне, ки ҳуқуқҳояшон ба онҳо баробар карда шудааст, тахфифи 50% аз арзиши сафар дар як сол як маротиба (рафтуомад) пешниҳод карда мешавад.
Ба маъюбони Ҷанги Бузурги Ватанӣ гурўҳи 3, ҳамчунин шахсоне, ки ҳуқуқҳояшон ба онҳо баробар карда шудааст, дар давраи аз 1 октябр то 15 май ҳуқуқи сафар бо тахфифи 50%, бе маҳдудияти миқдори сафарҳо, пешниҳод карда мешавад.
Ба шахсоне, ки маъюбони Ҷанги Бузурги Ватанӣ гурўҳи 1 ва шахсонеро, ки ҳуқуқҳояшон ба онҳо баробар карда шудааст, роҳбаладӣ мекунанд, тахфифи 50% аз арзиши сафар, пешниҳод карда мешавад.
Ба иштирокчиёни Ҷанги Бузурги Ватанӣ ва шахсоне, ки ҳуқуқҳояшон ба онҳо баробар карда шудааст, волидайн, ҳамсарони хизматчиёни ҳарбӣ, ки дар натиҷаи захмишавӣ, контузия ва ҷароҳатбардорӣ ҳангоми ҳимояи собиқ Иттиҳоди Ҷамоҳири Шўравии Сотсиалистӣ ё ҳангоми адои дигар вазифаҳои хизмати низомӣ, ё ки дар натиҷаи беморӣ бинобар дар фронт будан фавтидаанд, ҳуқуқи тахфифи 50% аз арзиши сафар дар як сол як маротиба (рафтуомад) пешниҳод карда мешавад.

Вазни бағоч ва борбағоч чӣ тавр яклухт ҳисоб карда мешавад?

Ҳангоми ҳисоб кардани вазни борбағоч, ки бо вазни то 1000 кг барои интиқол супурда шудааст, вазни бағоч дар ҳама гуна ҳолат то 10 кг пурра яклухт карда мешавад, вазни зиёда аз 1000 кг борбағоче, ки барои интиқол супурда шудааст, то 100 кг пурра яклухт карда мешавад.
Ҳангоми ҳисоб кардани маблағи интиқол ва пардохтҳои иловагӣ барои интиқоли бағоч ё борбағоч бо вазни камтар аз 10 кг барои вазни ҳисобӣ 10 кг қабул мешавад.

Главная Мусофирбарӣ Саволу Ҷавоб